Bless Siglufjörður.

Jæja þá er dvöl okkar hér á Siglufirði senn á enda.
Við höfum heillast mjög af umhverfinu, bænum og vinalegu fólkinu á Siglufirði.
Hér hef ég eignast marga vini þvi hér er manni tekið opnum örmum :)
Ég vona að ég eigi eftir að koma oft í heimsókn og teiga góða fjalla og sjávarloftið.
Horfa á fallegu fjöllin speglast í firðinum og bátana í höfninni.
Ég tók mikið af myndum á þessu ári og fyllist hreinlega heimþrá þegar ég skoða þær.

Töskur úr pokum undan katta og hundamat :)

15 krakkar völdu að koma í endurvinnslu á pokum á Umhverfisdaginn og voru þau mjög dugleg og áhugasöm.
Hluti af því sem gert var sést á þessari mynd sem tekin var á sýning í skólanum. Sumir krakkarnir voru búnir að taka sitt með sér heim.

Endurvinnsla/ umhverfisdagur.

Hér er allt efnið sem við ætlum að endurvinna.

Lítil Capri Sonne taska.

Þessar brúnu eru úr kaffipokum af kennarastofunni.

Brúnutöskurnar eru gerðar úr mörgum svona litlum brúnum rúbínpk.

Einn af síðustu dögunum í skólanum verður umhverfisdagur.
Eitt af því sem við ætlum að taka okkur fyrir hendur verður að sauma töskur og fleira út ýmiskonar pokum sem við höfum safnað síðustu mánuði.
Við höfum safnað pokum undan fugla, hunda og kattamat, tyggjópokum,
kartöfluflögupokum, kaffip0kum og fl.
Ég er búin að sauma 3 töskur, pennaveski, snyrtiveski og keypti innkaupatösku í Birmingham
sem gerð var úr poka undan kattamat, sem verða sýnishorn.
Á myndunum má sjá 3 af þessum sýnishornum.
Blogga kanski aftur eftir umhverfisdaginn :) og sýni afraksturinn !

Vor í Vatnsdal :)

Nýkomin úr Vatnsdalnum
Þar var yndislegt vorveður og reyniviðurinn farinn að laufgast og sást meira segja í blómknúppana.
Grasið var grænt, fjöllin nánast sjnólaus og fuglaring sungu um sumarið.
Týri skemmti sér vel í sveitinni, hitti mömmu sína og léku þau sér mikið saman.
Ég veit nú ekki hvort þau þekktu hvort annað.
Við heyrðum drunurnar frá Eyjafjallajökli mjög greinilega og það voru greinilegar sprengingar í þeim. Ég hafði lesið að þær heyrðust allveg norður í Húnavatnssýslur svo það kom ekkert á óvart en það var samt skrýtið að verða vitni að þeim, eiginlega hálf óhugnanlegt!
Týra leið mjög illa af bílveiki báðar leiðir fram og til baka, hann var þó heldur skárri á leiðinni heim á Siglufjörð.
Hann vonandi venst þessu fljótt, því framundan er langt ferðalag austur á Selfoss, í júní :)

Vorið á Siglufiðri.

Vorið hefur loksins heimsótt okkur hér á Siglufirði :)
Undanfarna daga hefur veráttan farið batnandi og snjór bráðnað í hlíðum fjalla
enn er samt mikið eftir þar.
Í dag var yndislegt veður og hægt að ganga úti án úlpunnar.
Maríustakkurinn sem er algengasta villta plantan í bænum,
er farin að stinga sér upp úr visnum laufum og víða glittir í hana
þar sem snjórinn bráðnar ofan af.

Annar vorboði heimsótti mig í eldhúsið meðan ég var að sjóða fisk
í kvöldmatinn áðan en það var hunangsfluga,
falleg og bústin drotting sem hafiði villst inn um gluggann.
Hún barðist við að komast í gegnum rúðuna en mér tókst að veiða hana í glas
og koma henni út í frelsið.
Núna er hún alsæl að leita að góðum stað til að gera sér myndarlegt bú fyrir sumarið :)

Já er vorið ekki yndislegt !

Týri kominn heim.

Þá er hefur meðlimum fjölskyldunnar fjölgað um einn.
Týri er mjög sætur og góður ( þegar hann sefur ! )
Annars er hann yfirleitt rólegur og góður þegar ég er að heiman :)
Þegar ég kem í hús, verður hann óskaplega fjörugur og vill leika endalaust !

Sennilega þykir honum ég svona skemmtileg ! eða hvað ?

Hann heldur að ég sé leiktæki og fötin mín ( sem ég er í ) tuskur til að togast á um.
Hann er samt voða mikið krútt

Hann er auðvitað svo ungur enn og uppeldið bara rétt að byrja, eftir einhverja mánuði eða ár eigum við skemmtilegan, hlýðinn og snyrtilegan hund !!

Það er markmiðið.

Helga spyr mig reglulega hvort ég sé nokkuð að gefast upp en ég sannfæri hana reglulega um að ég sé ekkert á þeim buxunum.

Nýji fjölskyldu meðlimurinn.

Litli hvutti.
Originally uploaded by Bdis

Hér er myndband af Týra litla Perusyni sem kemur heim eftir páskana.

Snjóvofan á stofuglugganum !

Jæja, frábært veður í dag! Sólskin og heiður himin.
Þannig veður hefur ekki sést hér undan farna viku eða kanski lengur.

Þessi snjóvofa hraktist undan veðrinu í fyrrakvöld og lá á glugganum hjá mér.
Ég tók mynd af henni í stað þess að bjóða henni inn :)

Hér er kominn talsverður snjór og mikil þrengsli og þæfngur á götum bæjarins.
Bílar víða fastir í sköflum og ég hef ekki getað hreyft Citroen bifreið mína næstum alla vikuna.
Ætla að reyna að grafa hana úr skafli í dag. ( Svo hún sé heima við þegar ég fer til Englands )

Jeppinn hefur oftast komist upp á Háveginn en Skúli hefur þó þurft að skilja hann eftir í götunni fyrir neðan ( Suðurgata )
Hávegurinn hefur nefnilega líka orðið ófær jeppum !

En í dag er sól og blíða og hiti svei mér þá.


Nú styttist í Birmingham ferð, er farin að þvo og pakka. Við förum á þriðjudag til Keflavíkur og gistum þar en fljúgum svo út á miðvikudagsmorguninn.

Það hefur verið leiðinlegt verður í Birmingham sjnókoma, slydda og rigning.
við fáum sennilega gott veður á miðvikudag þegar við lendum en svo á að rigna mikið á fimmtudag. Þá verðum við reyndar á sýningunni og inni við. Síðan er bara að hlaupa í skjól inn á söfn og í kirkjur og skoða sig um og taka myndir.
Við verðum á sýningunni fyrir hádegi á fimmtudag og föstudag.
Förum svo til Lundúna á laugardaginn og skoðum okkur um.
Þar gistum við og fljúgum síðan heim á sunnudaginn upp úr hádegi.

Þetta er greinilega allt of stutt :)

Enn af þorrablótum.

Maddý og Dóra.
Nemendur fá sér bita.
Magga, Jónína, Skarphéðinn, Guðný og Tóti.


Í dag var þorrablót í skólanum, nemendur hafa í vikunni verið að baka rúgbrauð, flatkökur og gera sviðasultu. Í dag var svo búin til kartöflumús og rófustappa. Allir komu í lopapeysu og ullarsokkum í dag í skólann og svo var haldið þorrablót milli kl. 10 og 11. Nemendur voru mis hrifnir af sviðasultunni en allir gátu borðað rúgbrauð og flatkökur. Ýmsir söngvar voru sungnir og þar á meðal Vatnssdælingastemma og Nú er frost á fróni. Allir skemmtu sér vel bæði nemendur og starfsfólk. Hér að ofan eru nokkrar myndir sem ég tók af nem og kenn.

Þorrablót.

Við fórum á mjög skemmtilegt þorrablót fjölskyldan, í gærkvöldi.
Þar var auðvitað hinn hefðbundni þorramatur á borðum og við
Helga smökkuðum hákarl en létum hrútspungana vera.
Þetta var fámennur og skemtilegur hópur sem var mjög söngelskur
voru ekki aðeins sungin hefðbundin sönglög heldur kveðið
og sunginn fimmundarsöngur.
Fimmundarsöngur er gamalt Íslenskt fyrirbrigði
þar sem laglína er rödduð með fimmund.
Þetta var mjög gaman og vantaði bara að
við dönsuðum þjóðdansa líka.
Mér finnst þessi hrynjandi svo skemmtilegur.

Söngur til sólarinnar og sólarkaffi.

Í dag var Sólardagurinn, nú hefði sólin náð að skína á bæinn okkar
ef sést hefði til sólar :)
Siglfirðingar höfðu sólarkaffi að venju og var boðið upp á
bæði upprúllaðar og pönnsur með rjóma
í morgunkaffinu í skólanum.

Yngri-deildir skólans söfnuðust saman kl. 11.10 á kirkjutröppunum
ásamt leikskólabörnum (sem voru með sólir á priki í höndunum )
og sungu sólar og Siglfirsk sönglög.
Þetta vildi ég hafa séð og myndað fyrir ykkur.
Þar sem ekki er hefð fyrir því að eldri deildirnar fari og hlusti
á sönginn varð ekki að því, þar sem ég var að kenna.

Fólk sem er á ferð um torgið, verslunar og bankastrarfsmenn
og viskiptavinir þeirra og fleiri nutu þessa dýrðarsöngs til sólarinnar.
Helga sá þetta og heyrði og sagði þetta hefði verið voða sætt! :)

Vitið þið hvaða góðlegi karl þetta er ?

Þessi karl stendur á neðri-gangi í efra-húsi Grunnskóla Siglufjarðar.
Nemendur bjuggu hann til á þemadögum fyrir nokkrum árum,
ekki veit ég hvað þemað var kallað en gæti trúað
að það hafi haft eitthvað með vináttu
og virðingu að gera.
Ef þið eruð búin að taka eftir skiltinu sem karlinn heldur á
í vinstri hönd, eruð þið væntanlega orðin heit.

Þetta er nefnilega hann Olweus,
ef þið vissuð ekki hvernig hann lítur út
þá er hann hér blessaður og gætir þess að allir
séu vinir í skólanum.
Vona að honum gangi vel við skyldustörfin :)

Flóðvangur í Vatnsdal.
Altarið í Undrfellkirkju.


Helga og afi hennar.

Á Kornsá.

" Systurnar " við hringborðið.

Jólin.

Þá erum við komin heim á Sigló eftir dvöl á Kornsá,
og góðar heimsóknir til ættingja og vina í Reykjavík, Hafnarfirði, Selfossi og Hveragerði.
Takk fyrir :) Gaman að hitta ykkur öll.

Veður var gott allan tímann og tók ég margar myndir sem sumar munu rata á síður þessa bloggs en aðrar á flickr. Við höfðum ýmislegt fyrir stafni á Kornsá, Skúli vann í húsinu og ég prjónaði og eldaði mat, jú og bakaði Sörur og Múrsteina, nei :) múrsteinar eru ekki grjótharðar, né misheppnaðar og brenndarkökur eins og nafnið gefur til kynna heldur áægtis smákökur með margenstoppi á og eru eftirlæti húsbóndans !
Guðmundur tengdafaðir minn var með okkur um jólin og fóru þau Helga í gönguferðir upp á Háls og að Undirfelli ( þar sem kirkjan er )

Sverrir bróðir Skúla og Helga systir Skúla og fjölsk. komu í kaffi á annan í jólum.

Fyrr um daginn afrekaði ég það að fara í kirkju en ég hef lengi hugsað um að gaman væri að fara annað hvort í Þingeyrakirkju á jólum eða Undirfellskirkju ( þar sem við giftum okkur)

Á Jóladag mætti ég kl. 11 fyrir utan Undirfellskirkju en presturinn mætti ekki ! og enginn annar, bara ég.

Ekkert skrýtið, því ég var degi of fljót !!

Þarna stóð ég prúðbúin fyrir utan guðhúsið og vonaði að enginn sæi til mín :)
Jú, Kornsárfólkið sá bílinn minn :)

Næsta dag gerði ég aðra tilraun og nú mætti presturinn ásamt kórnum
og þeim sem fylgdu kórnum ( 2 eignimenn söngvara í kórnum ) og börn með öðrum þeirra.
Jón sem skrýðir prestinn og hringir kirkjuklukkunum
Þórunn á Kornsá var þarna líka en hún sér um að ylur sé á kirkjunni.

Ég var eiginlega sú eina sem kom til messu á þess að hafa annað hlutverk en að mæta til guðsþjónustu.